ငလျင်လှုပ်ခတ်မှုကြောင့် ပင်လောင်းမြို့နယ်အတွင်း ဖြစ်ပေါ်နေသည့် ပျက်စီးမှုနှင့် လိုအပ်ချက် (ဗွီဒီယိုရုပ်သံ)

၂၀၂၅ခုနှစ် ဧပြီလ ၂၅ ရက်နေ့

၂၀၂၅ခုနှစ်၊ မတ်လ (၂၈)ရက်နေ့ လှုပ်ခတ်ခဲ့သည့် ၇.၇ ပြင်းအားရှိ စစ်ကိုင်ပြတ်ရွေ့ကြော ငလျင်ကြောင့် စစ်ကိုင်၊ မန္တလေး၊ မကွေး ရှမ်းကုန်းပြင်မြင့်၊ နေပြည်တော်နှင့် ပဲခူးစသော ဒေသရှိ လူပေါင်း – ၄၄၂၆ ဦး သေဆုံး၊ ၁၁၃၆၆ ဦး ထိခိုက်ဒဏ်ရာနှင့် နေအိမ်အောက်အအုံ အမြောက်အမြားလည်း ပျက်စီးခဲ့သည်။

ထိုအထဲမှ ရှမ်းပြည်နယ်တောင်ပိုင်း၊ ပင်လောင်းမြို့နယ်တွင် ငလျင်ဒဏ်ကြောင့် ကျေးရွာ (၃၅)ရွာမှ – လူ (၃)ဦး သေဆုံး၊ (၁၂)ဦး ဒဏ်ရာရ၊ အဆောက်အအုံပေါင်း (၇၆၅)ခုခန့် ပျက်စီးဆုံးရှုံးမှုရှိသည်ကို ကောက်ယူရရှိသည် မြေပြင်အချက်အလက်မှတ်တမ်းအရ တွေ့ရှိရပါသည်။

နေအိမ်ပျက်စီးမှု ရင်ဆိုင်ကြုံတွေ့နေရသည့်သူများသည် အကူညီရရှိမှုနည်းပါးနေလျှက်ရှိပြီး၊ ပျက်စီးမှုဆိုင်ရာ သတင်းအချက်အလက်သည်လည်း မီဒီယာပေါ် ဖော်ပြနိုင်မှု အားနည်းနေသည်ကိုလည်း တွေ့ရှိရပါသည်။ ပင်လောင်းမြို့နယ်အတွင်း အရေးပေါ်လိုအပ်ချက်များနှင့် ရေရှည်လိုအပ်ချက်များကို အောက်ပါအချက်များဖြင့် တွေ့ရှိရပါသည်။

* အရေးပေါ်လတ်တလောလိုအပ်ချက်များ*

– ယာယီနေထိုင်ရန် တဲများ

– အမိုးအကာနှင့် အခင်းများ

– အရေးပေါ် ကျန်းမာရေးဆေးဝါးများ

– ငွေကြေးမှု ပံ့ပိုးမှုများ

* ရေရှည်လိုအပ်ချက်များ*

– အိုးအိမ်ပြန်လည်မွမ်းမံရေးနှင့် တည်ဆောက်ရေးဆိုင်ရာ အကူညီများ (ဥပမာ – သွပ်၊ အုပ်၊ ဘိလပ်မြေ… စသဖြင့်)

– ရေကန်များ ပြန်လည်ပြုပြင်ရေးဆိုင်ရာ အကူညီများ

– ပညာရေးဆိုင်ရာ ကူညီထောက်ပံ့မှုများ

– စိတ်ပိုင်းဆိုင်ရာ ထိခိုက်မှု conselling အကူညီများ

– စိုက်ပျိုးမြေပျက်စီးမှုများနှင့် စိုက်ပျိုးရေးမျိုးစေ့ အကူအညီများ

– လမ်းပန်းဆက်သွယ်ရေး ပြန်လည်းပြုပြင်ရေး အကူအညီများ

– လူမှူဖူလုံရေး အကူညီများ

#Pa-O Youth Organization

#Pinlaung

#SouthernShanState