၁၉၄၇ ခုနှစ်တွင် ပအိုဝ်းလူငယ်အဖွဲ့အစည်း (PYO - Pa-O Youth Organization) ကို မွန်ပြည်နယ် သထုံမြို့၌ စတင်ဖွဲ့စည်းခဲ့သည်။ PYO ကို ကရင်လူငယ်အဖွဲ့အစည်း (Karen Youth Organization - KYO) မှ နုတ်ထွက်ခဲ့ကြသော K YO အထွေထွေအတွင်းရေးမှူး ခွန်းကျော်စိန် (၁၉၆၀ ပအမဖ ပါလီမန္အမတ်၊ ၁၉၇၆ PNO ဥက္ကဌ) နှင့် ခွန်းပန်းစိန် (မဆလပါတီမှ မကွေးတိုင်း နတ်မောက်မြို့နယ် လွှတ်တော်အမတ်)၊ ခွန်းဘေရွှေ (၁၉၆၀ သထုံပါလီမန္အမတ်) တို့မှ ဦးဆောင်ဖွဲ့စည်းခဲ့ကြသည်။

၁၉၅၀ ခုနှစ် ဒီဇင်ဘာလ ၄ ရက်နေ့တွင် ပအိုဝ်းလူထု တစ်သောင်းကျော်က တောင်ကြီးမြို့ ယခု ဗိုလ်ချုပ်အောင်ဆန်း လမ်းမကြီးပေါ်တွင် ချီတက်လှည့်လည်ကာ ဒီမိုကရေစီအရေးများကို ငြိမ်းငြိမ်းချမ်းချမ်းအကြွေးအကြော်ပြုခဲ့သည်။
၁၉၆၆ ခုနှစ် ဒီဇင်ဘာလ ၄ ရက်နေ့တွင်လည်း ဗိုလ်ချုပ်စံသိန်း ဦးဆောင်သော ပအိုဝ်းအမျိုးသား လွတ်မြောက်ရေး အဖွဲ့အစည်းကို စတင်ခုခံတော်လှန်ခဲ့သည်

ထို့နောက်၊ (ပအလဖ) မှ စစ်အာဏာရှင် ဒီဇင်ဘာ ၄ ရက်နေ့များကို ဂုဏ်ပြုသောအားဖြင့် ထိုင်းနိုင်ငံသို့ ရောက်ရှိနေသည့် ရဟန်းသံဃာများနှင့် ပအိုဝ်းလူငယ်များတို့မှ စုစည်းပြီး ၁၉၉၈ ခုနှစ် ဒီဇင်ဘာလ ၄ ရက်နေ့တွင် ချင်းမိုင်မြို့ရှိ ဝပ်နောင်ခမ်း ပအိုဝ်းဘုန်းတော်ကြီးကျောင်း၌ ပအိုဝ်းလူငယ်အဖွဲ့အစည်း (PYO) ကို ဒုတိယအကြိမ် ဖွဲ့စည်းခဲ့သည်။ ယင်းမတိုင်မှီ ပြည်တွင်းပြည်ပ၌ ပအိုဝ်းအမျိုးသားအဖွဲ့အစည်းများ ရှိပါသော်လည်း ပအိုဝ်းလူငယ်ထုကို ကိုယ်စားပြု၍ အမျိုးသားရေး၊ နိုင်ငံရေးနှင့် လူမှုဘဝဖွံ့ဖြိုးရေးကို ဦးတည်လှုပ်ရှားသည့် လူငယ်အဖွဲ့မရှိသေးသဖြင့် PYO ကို ဖွဲ့စည်းခဲ့ရခြင်း ဖြစ်သည်။